.png)
SORTZENetik bidalitako mezua
Nafarroako #MerezimenduenDekretua
Urtarrilean, Nafarroako Gobernuak Nafarroako administrazio publikoetako lanpostuak eskuratu eta betetzeko merezimenduen balorazioa arautzen duen Dekretuaren zirriborroa aurkeztu zuen, besteak beste, administrazioko lanpostuetan euskara jakiteari emango zaion garrantzia zehazten duena.
Hori dela eta, Euskalgintzaren Kontseiluak, euskararen normalizazioaren aldeko 30 gizarte eragilek osatzen duten bilguneak, nafar guztientzat eskubideak berma daitezen eskatzeko kanpaina bati ekin dio.
Kontseilua konbentzitua dago Dekretua aldatu daitekeela, eta xede horrekin, lehen ekimen batean Dekretuak herritarren eskubideetan eta ongizatean izango dituen ondorioak eta kalteak gizarteratuko ditu. Ondoren, Nafarroako Gobernuari herritarrek haien eskubideen urraketen berri emateko eskaerak jasotzeko kanpaina jarriko da martxan, eta jarraian, eragile sindikal eta sozial ezberdinekin bilera erronda bat egingo da, beraien babesa eta atxikimendua lortzeko. Azkenik, Dekretuan aldaketak exijitzeko mobilizazioa antolatzea ere aztertzen ari da Euskalgintzaren Kontseilua.
Sortzenek bat egiten du kanpainarekin, eta horregatik zure hizkuntza eskubideak noizbait urratutak izan badira hurrengo inprimakia betetzeko gonbitea luzatzen dizuegu. Entzun gaitzatela!
Zure eskaera betetzeko: https://labur.eus/kontseiluaeskaerak
Informazio guztia: https://kontseilua.eus/nafarroa/nafarroako-kanpaina-martxan/