.png)
ENE KANTAK-EN BISONTE MASTODONTEAREN BILA, DISKO BERRIA JADA ESKURAGARRI
Proiektu zabalago baten parte diren 14 abesti eta 14 bideoklip berri, Bisonte mastodontearen bila izena duena. Disko honetaz gain, liburu batek eta emanaldi berriak osatzen dute proiektua. Heldu den larunbatean estreinatuko dugu emanaldi hau, Atarrabiako kultur etxean.·
EUSKARAREN ERABILERA SUSTATU, GURE INGURUA EZAGUTU, TALDELANA ETA GENERO BERDINTASUNA.
Lan berri honek (disko berria, liburua eta ikuskizuna) Ene Kantakeko pertsonaien abentura berri bat da eta Aralarren gertatzen da: bertan, euskaraz abestu, bizi eta irakurriko dugu.
Astonauta, Satorjator eta bere lagunek Historiaurrera bidaiatuko dute, non genero berdintasuna, inguruaren ezagutzaren balioa, naturaren baliabideak, auzolanaren abantailak edota naturaren zaintza eta errespetua ikusiko diren.·
DISKO BERRIA 14 abesti berriak USB DIGIPACK euskarrian daude jada, baita plataforma digital guztietan ere.
USB DIGIPACK euskarria Ene Kantaken webgunean dago salgai. Full HD kalitatean dauden 14 bideoklipez gain, abestien audioak mp3-n zein wav-en dauzkazu. Horrez gain, 25 minutuko bideo bat. Azken bideo honek diskoaren lehen 5 kantuen bideoklipak jasotzen ditu, baina ikusiko duzuen bezala, bideoklip bakoitzaren hasieran esketx bat doa: Ene Kantakeko pertsonaiek lehen gizakiak ezagutzen dituzte bertan, eta bisonte mastodontearen bila ibiliko dira.
Digipack-ak oso USB berezia gordetzen du: hezur itxura duen USBa, hain zuzen, beti egin izan dugun letra-liburuxkarekin batera, noski.Horrez gain, abestiak jada plataforma digitaletan daude entzungai: Spotify, Apple Music, Amazon Music, YouTube...Abesti guztiak Nerea Urbizuk eginak dira, eta hauek izan dira abestera gonbidatuak: Gartxot Unsain, Tom Lizarazu (Bulego), Claudia Rodriguez (Goxua´n salsa), Kike Amonarriz, Aitor Garcia, Iñigo Aranbarri, Odei Barroso Gumila, Nahia Sillero, Beñat Gaztelumendi eta Lur Errekondo.·
BISONTE MASTODONTEAREN BILA IKUSKIZUNAREN ESTREINALDI MUNDIALA.Heldu den larunbatean, Ene Kantak, Txantreako erraldoi eta buruhandien konpartsarekin batera, Atarrabiako kultur etxean ariko dira, 16:30ean eta 18:30ean.
Estreinaldirako sarrerak agortuta, larunbatekoak emanaldiaren bira abiatuko du. Abenduan zehar Bilboko Euskalduna jauregia (bi saio), Gasteizko Mendizorrotza kiroldegia (bi saio), Donostiako Viktoria Eugenia (lau saio) eta Iruñeko Baluarte (bi saio) bisitatuko dituzte. Tafalla, Tolosa, Getxo, Zalla, Irun, Barakaldo edota Amurrio ere etorriko dira...
Informazio gehiago: https://enekantak.org/agenda ·
LIBURU BERRIANerea Urbizuk idatzia eta Mikel Santos Belatzek ilustratua.
Azaroaren 5ean liburuaren argitaratzearen txanda izango da: liburua ikuskizunaren gidoiaren eta diskoko hainbat abestiren oinarria izan da.
Historiaurrea oso gai erakargarria da gure txikientzat, eta eduki oso interesgarri zein aberasgarri landu daitezke.
Harrapatuko al dute gure pertsonaiek Bisonte mastodontea? Ala Bisonte mastodontea izango ote da gure pertsonaiak harrapatuko dituena?·
ENE KANTAK UNIBERTSOA.
Ene Kantak unibertsoak 2011. urtetik darrai kantuak eta bideoklipak sortzen, eta ETBko haurrentzako saio bat eskaini du 5 urtez.
Beren bideoklipek YouTuben 99 milioi bistaratze baino gehiago dituzte, batez ere Euskal Herrian, Espainian eta pentsa, Indonesia, AEB, Brasil, Mexiko, Argentina edo Kolonbia bezalako herrialdeetan.
Hau horrela, Ene Kantak eta bere pertsonaiak gure etxe zein ikastetxeetan daude, euskara ikasteko tresna bezala, edota genero berdintasuna lantzeko, zein ekologia, birziklapena, zenbakiak, adiskidetasuna, natura, elikadura osasuntsua, kultura orokorra, edota asteko egunak ikasteko. ·
EUTSI ENE KANTAK, EUTSI EUSKARARI!
Ene Kantakek berriki euskarari egunerokoan garrantzia emango dion komunitate bat sortzeko kanpaina bat jarri du martxan.Beraiekin bat egin nahi duten lagunentzat webgune bat diseinatu dute eta urtero 20 euroko edo 35 euroko bazkidetza egin dezakete. Horren truke, Ene Kantakek urtearen baitan egin edo sortu duen guztia etxean jasoko luke
.Urtero sortzen dugun hori, liburu bat eta 5 abesti bere bideoklipekin izango litzateke.
Gainera, eduki hauekin batera abantaila batzuk ere badaude, esaterako, zoriontzeko bideo pertsonalizatu bat, webguneko dendan %50eko beherapena edota emanaldietarako sarrera zozketak.
Informazio gehiago: https://eutsienekantak.eus/es
Comments